‘தில்லு இருந்தா போராடு’ – விமர்சனம்

எஸ்.கே.முரளீதரன் இயக்கத்தில் பஞ்சாயத்து பரமேஸ்வரியாக வனிதா விஜயகுமார் நடிக்கும் “தில்லு இருந்தா போராடு”

பட்டப்படிப்பு படித்துள்ள கிராமத்தை சேர்ந்த பாண்டிக்கு எங்கு கேட்டும் வேலை கிடைக்கவில்லை. அவனுக்கு பிரியா என்ற காதலி கிடைக்கிறாள். அதனால் பல அவமானங்களை சுமக்கும் பாண்டி குடிக்கு அடிமையாகிறான். இதை பார்க்கும் அவனது தாய் அவனை வீட்டைவிட்டு விரட்டுகிறாள்.அதன்பிறகு அவனது நடவடிக்கைகள் முற்றிலும் மாறுபடுகிறது. பஞ்சாயத்து பரமேஸ்வரியின் உதவி கிடைக்கிறது அதனால் அவனுக்கு ஏற்படும் விளைவுகளை விறுவிறுப்பான திரைக்கதையில் உருவாகும் படம்தான் ” தில்லு இருந்தா போராடு.

கார்த்திக்தாஸ், அனுகிருஷ்ணா ஜோடியுடன் யோகிபாபு, மனோபாலா, வனிதா விஜயகுமார், எம்.எஸ்.பாஸ்கர், தென்னவன், மதுமிதா, கே.பி.சுமன், மீராகிருஷ்ணன், கிரேன் மனோகர். சாம்ஸ், ரிஷா, சேஷூ லொள்ளுசபா மனோகர், இவர்களுடன் ராஜசிம்மா, ராம்சந்திரன், சக்திவேல், லோகேஷ், பாலா, சாமிராஜ், ஸ்ரீநிக்கி, மதுரா, ஜட்டி ஜகன், ஆர்.பி.பாலா, மன்னாரு.டி.ஆர்.கோபி ஆகியோரும் நடித்துள்ளனர்.

எப்படித்தான் காதல் மோதலில் ஆரம்பித்தாலும் கடைசியில் ஜெயிப்பது காதல் மட்டும் அல்ல காதலர்களும் தான் என்ற கருத்தை வலியுறுத்துகிறது இந்த படம்.

புதுமுக நடிகர் அறிமுகமாகும் இந்த படம் அவரது நேர்த்தியான நடிப்பை மிக அழகாக காட்டி இருக்கின்றது கதாநாயகி தனக்கு கொடுத்த பங்கை கச்சிதமாக செய்து முடித்திருக்கிறார்.

பஞ்சாயத்து பரமேஸ்வரியாக வரும் வனிதா விஜயகுமார் வரும்போது எல்லாம் தியேட்டரில் அனல் பறக்கிறது.

படத்தில் இன்னொரு நாயகன் என்று இசையமைப்பாளரை சொல்லலாம் பாடல்கள் அவ்வளவு அழகாக கேட்க காதில் இனிமையாக ஒலிக்கின்றது.

தான் படிக்கவில்லை என்றாலும் தாய் தந்தை இல்லாத அனாதைகளை படித்து முன்னேற்றி விட வேண்டும் என்ற கதாநாயகனின் உயர்ந்த எண்ணம் போல் இந்த படமும் உயர்ந்து நிற்கிறது தில் இருந்தா போராடு.