“மஹா” விமர்சனம்

ஹன்சிகா மோத்வானியின் 50வது படமான மஹா திரைப்படம் நீண்ட போராட்டத்திற்கு பிறகு  திரையரங்கில் வெளியாகி உள்ளது.

எட்செட்ரா எண்டர்டெயின்மெண்ட் நிறுவனம் சார்பில் வி.மதியழகன் தயாரித்துள்ள இந்த படத்தை உபைத் ரஹ்மான் ஜமீல் என்பவர் இயக்கியுள்ளார். சிலம்பரசன்,ஸ்ரீகாந்த், தம்பிரமைய்யா, கருணாகரன்,மானஸ்வி கொட்டாச்சி  ஆகியோர் நடித்திருக்கிறார்கள்.

காதலால் திருமணத்திற்கு முன்பே கர்ப்பமடையும் நடிகை ஹன்சிகா இந்த விஷயத்தை விமானத்தில் பைலைட்டாக வேலை பார்க்கும் தன் கணவர் சிம்புவிடம் தெரிவிக்க வேண்டும் என்று காத்திருக்க அவருக்கு ஓர் அதிர்ச்சி காத்திருக்கிறது.

பிறகு குழந்தையுடன் தனியாக வாழும் ஹன்சிகாவிற்கு சைக்கோ கொலைகாரன் மூலம் வருகிறது வினை. தனது ஆசை குழந்தையை பறிகொடுக்கிறார் ஹன்சிகா.

தன் காதல் கணவர் சிம்புவுக்கு என்ன ஆனது, தனது குழந்தைக்கு நேர்ந்த கதி என்ன என்பதை தனது திரக்கதையின் மூலம் அனைவரையும் பரபரப்பாக படம் பார்க்க வைக்கிறார் இயக்குனர்.

படத்தின் முதல் காட்சிலேயே ஹன்சிகாவுடன் ரொமான்ஸில் வரும் சிம்புவிடம் வம்பிளுக்கும் போதை ஆசாமிகளை பின்னி எடுக்கும் அந்த சண்டை காட்சி படத்திற்கு ஒரு பலம் தான்.

சிம்பு பத்தி சொல்லியே ஆகணும் என்னதான் தன் காதலி ஹன்சிகாவுக்காக இந்த படத்துல நடிச்சிருந்தாலும் நிறைவாகவே தனது கதாபாத்திரத்தை செஞ்சிருக்காரு அதுலயும் அவருடைய உண்மை வாழ்க்கைல நடந்த சில விஷயங்களை அங்கங்க வசனமா பேசும்போது தியேட்டரில் கைதட்டல் கபறக்கிறது.சிம்புக்கு   பாராட்டுக்கள் உண்மையை ஒத்துக்கிட்டதற்காக.

அடுத்து நம்ம ஹன்சிகா மோத்வானி இவர எப்படி பாராட்டுவது என்று தெரியவில்லை குழந்தை நட்சத்திரமாக சில படங்களில் நடித்து இருந்தாலும் பல வெற்றி படங்கள்ல கதாநாயகியாக நடிச்சிருந்தாலும் இது இவர் தனது 50ஆவது திரைப்படத்திற்கு தேர்ந்தெடுத்த கதைதான் இவருடைய திரையுலக வாழ்க்கையில மிகப்பெரிய திருப்புமுனையா அமைஞ்சிருக்கு.இந்த மஹா  திரைப்படம் மூலம்.

அந்த அளவுக்கு ஒவ்வொரு காட்சியிலும் தனது வித்தியாசமான நடிப்பை வெளிப்படுத்துகிறார் ஒரு அழகு தேவதையாக வலம் வந்து நாம் பார்த்த இவரை ஒரு நல்ல நடிகையாக பார்க்கும் பொழுது நடிப்பில் தேர்ச்சி பெற்று விட்டார் என்றே சொல்லலாம்.

அதுவும் அவர் அழுகின்ற காட்சிகளில் ஐயோ பாவம் என்றே நம் மனதை பதபதக்க வைக்கிறார்.

அடுத்ததா சொல்லணும்னா அந்த குழந்தை நட்சத்திரமாக நடித்த மானஸ்வி கொட்டாச்சி .தன் அம்மா காலையில் எழுந்திருக்கும் முன்பே அவர் வேலைகளை செய்யும் இந்த குட்டி குழந்தை சுட்டி குழந்தையாக பார்ப்பவர்கள் மனதில் ஒட்டிக் கொள்கிறது.

ஆனால் அந்த குழந்தையின் முடிவு ஏற்றுக் கொள்ளும்படி இல்லை. இயக்குனரே சற்று கருணை காட்டி இருக்கலாம்.

கதையில் ஆங்காங்கே வரும் சில எதிர்பாராத காட்சிகளால் படம் கொஞ்சம் வேகமும் எடுக்கிறது ஒரு சில காட்சிகள் சிலருக்கு புரியாமல் போகவும் வாய்ப்பு இருக்கிறது. இதை இயக்குனர் சற்று ஆழ்ந்து யோசித்து எடுத்து இருக்கலாம்.

மொத்தத்தில் பெற்றோர்களுக்கு இப்படம் மிகுந்த விழிப்புணர்வை ஏற்படுத்தும் என்பதில் சந்தேகம் இல்லை.

மேலும் இப்படத்தில் காவல்துறை அதிகாரியாக வரும் நடிகர் ஸ்ரீகாந்த், தம்பி ராமையா, கருணாகரன் போன்றவர்களும் தனது கதாபாத்திரத்தை கட்சிதமாக செய்து முடித்திருக்கிறார்கள்.

ஜிப்ரானின் இசை காதல் பாடல்களிலும் பின்னணி இசைகளும் அவர் வேலையை கச்சிதமாக செய்து முடித்திருக்கிறார்.

தரமான படங்களை எடுக்கும் எட்செட்ரா என்டர்டெயின்மென்ட் வி. மதியழகன் அவர்களுக்கு இந்த மஹா ஒரு மெகா வெற்றி படமே.

பெண் பிள்ளையை பெற்றவர்களுக்கு விழிப்புணர்வாக இந்த படம் இருக்கும் என்பதில் துளி அளவும் சந்தேகம் இல்லை. தயாரிப்பாளர்களில் ஒரு சிலர் மட்டுமே குடும்பங்கள் கொண்டாடும் தயாரிப்பாளர்களாக இருக்கிறார்கள். ஆனால் இந்த மஹா படத்தின் மூலம் வி. மதியழகன் குடும்ப தயாரிப்பாளர் என்ற அடைமொழி இவருக்கும் பொருந்தும்.

என்னுடைய அக்கறை பதிவு :

 

படத்தில் காதல் ஜோடிகளாக வரும் சிம்புவும் ஹன்சிகாவும் உண்மையில் தற்போது பிரிந்து இருக்கிறார்கள் என்று நினைக்கும் போது நிச்சயமாக ஏற்றுக் கொள்ளவே முடியவில்லை.ஒருவேளை இதுவரை அவர்கள் இருவரும் ஒன்றாக நிஜத்திலும் காதலித்துக் கொண்டிருந்தாள்..!

இதே போலத்தான் பல வருடங்களுக்கு முன்பு இன்னொரு நடிகைக்கும் சொன்ன மாதிரியே இருக்கு…… கேட்கவே சூப்பரா இருக்கு இல்ல.