கோலமாவு கோகிலா என்ற வெற்றிப் படத்தின் மூலம் தமிழ் சினிமாவில் இயக்குனராக அறிமுகமான நெல்சன் அடுத்ததாக சிவகார்த்திகேயை வைத்து டாக்டர் படத்தை இயக்கினார். ஓடிடியா திரையரங்கா என்ற குழப்பத்தில் இருந்த இத்திரைப்படம் ஒரு வழியாக என்று திரையரங்கில் வெளியானது. நீண்ட நாட்களுக்கு பின் வரும் சிவகார்த்திகேயன் படம் என்பதால் அவரது ரசிகர்களும், தங்களது அடுத்த படத்தின் இயக்குனர் என்று விஜய் ரசிகர்களும் ஆவலோடு காத்திருந்தனர். இவர்களின் காத்திருப்புக்கு ஏமாற்றம் அளிக்காத வகையில் டாக்டர் திரைப்படம் அமைந்துள்ளது.
நெல்சன் திலீப்குமார் இயக்கத்தில் சிவகார்த்திகேயன் நடிப்பில் வெளியாகியுள்ள ‘டாக்டர்’ படத்தின் திரைவிமர்சனம்.
சிவகார்த்திகேயன் ரசிகர்களின் நீண்ட எதிர்பார்ப்பில் இருந்த இந்தப்படம் இன்று அதிகாலை 5 மணிக்கே திரையரங்கில் வெளியாகியுள்ளது. காமெடி, ஆக்ஷனை தொடர்ந்து ‘டாக்டர்’ படத்தில் வேறொரு சிவகார்த்திகேயனாக அவதாரம் எடுத்துள்ளார். எந்தவித ஆரவாரமின்றி கவுண்டர் காமெடிகள் கொடுக்காமல் அமைதியான பையனாக படம் முழுக்க வலம் வந்துள்ளார் சிவகார்த்திகேயன்.
ஆரம்பத்தில் மெதுவாக நகரும் திரைக்கதை அதன்பின்னர் வேகமெடுக்க துவங்குகிறது. படத்தின் இரண்டாவது ஹீரோவாக ரவி மற்றும் யோகி பாபுவை கூறலாம்.இவர்களது ஒன்லைனில் திரையரங்கமே அதிர்கிறது. அருண் அலெக்சாண்டர், தீபா, இளவரசு போன்றோர்களின் காமெடியும் படத்தில் செம்மையாக ஒர்க்அவுட் ஆகியுள்ளது. பாடல்களை போல படத்தின் பின்னணி இசையிலும் வேற லெவல் பண்ணியிருக்கிறார் அனிருத்.
