வேர்ல்டு ஃபேமஸ் லவ்வர் படத்தை அடுத்து விஜய் தேவரகொண்டா நடித்து வரும் படம் ஃபைட்டர். பூரிஜெகன்நாத் தயாரித்து இயக்கி வரும் ஃபைட்டர் படம் மூலம் பாலிவுட் நடிகை அனன்யா பாண்டே தெலுங்கு திரையுலகில் அறிமுகமாகியுள்ளார். ஒரே நேரத்தில் தெலுங்கு மற்றும் இந்தியில் உருவாகி வரும் ஃபைட்டர் படத்தின் ஷூட்டிங் மும்பையில் நடைபெற்றது. விஜய்யும், அனன்யாவும் பைக்கில் செல்லும் காட்சியை படமாக்கினார்கள்.
விஜய், அனன்யா பைக் காட்சி புகைப்படங்கள் கசிந்து சமூக வலைதளங்களில் வைரலாகிவிட்டது. ஒரு புகைப்படத்தில் அனன்யா பைக்கில் விஜய்யை கட்டிப்பிடித்துக் கொண்டு அமர்ந்திருக்கிறார். மற்றொரு புகைப்படத்தில் விஜய்யின் முகத்தை பார்த்தபடி அவர் மீது காலை போட்டு உட்கார்ந்திருக்கிறார். விஜய், அனன்யா இடையேயான கெமிஸ்ட்ரி செமயாக உள்ளது என்று ரசிகர்கள் கருத்து தெரிவித்துள்ளனர்.
எதுவும் கசியாமல் இருக்கத் தேவையான நடவடிக்கைகள் எடுத்தும் எப்படி இந்த புகைப்படங்கள் கசிந்தன என்கிற கேள்வி எழுந்துள்ளது. கோலிவுட்டில் விஜய், ரஜினி படத்தின் ஷூட்டிங் நடக்கும்போது இப்படி ஏதாவது கசிவது வழக்கமாகிவிட்டது. தற்போது விஜய் தேவரகொண்டாவுக்கும் அதே பிரச்சனை ஏற்பட்டுள்ளது. முன்னதாக ரஜினியை வைத்து தர்பார் படத்தை எடுத்த முருகதாஸ் புகைப்படங்கள், வீடியோக்கள் கசிந்ததால் பெரும் மன உளைச்சலுக்கு ஆளானார் என்பது குறிப்பிடத்தக்கது.
