“பூக்கி” – விமர்சனம்

விஜய் ஆண்டனி ஃபிலிம் கார்பரேஷன் நிறுவனம் சார்பில், ஃபாத்திமா விஜய் ஆண்டனி தயாரிப்பில், மீரா விஜய் ஆண்டனி வழங்கும், அஜய் திஷான், தனுஷா, பாண்டியராஜன், சுனில், லட்சுமி மஞ்சு உள்ளிட்டோர் நடிப்பில், கணேஷ் சந்திரா ஒளிப்பதிவு & இயக்கத்தில் உருவாகியுள்ள படம் “பூக்கி”.

கதைப்படி.. நாயகன் அஜய்யும், நாயகி தனுஷாவும் காரில் செல்லும்போது இருவருக்கும் வாக்குவாதம் ஏற்படுகிறது. அப்போது அஜய் சமாதனப்படுத்துகிறார், ஒன்னு கோபமாக பேசு, அல்லது கனிவாக பேசு, இரண்டையும் ஒரே நேரத்தில் எப்படி பேசுகிறாய் ? பேசுவதற்கு முன் யோசித்து பேசு என்கிறார் தனுஷா. இப்படியே வாக்குவாதம் தொடர, சிக்னலில் வேறொரு கார் இவர்களது காரின் மீது இடித்துவிட்டு வேகமாக செல்ல, துரத்திச் சென்று அந்த காரை மடக்கி சண்டை போடுகிறார் அஜய். இருவரும் அடிதடியில் ஈடுபட தனுஷா தடுக்கிறார், சமாதானம் ஆகாததால் அஜய்யை கண்ணத்தில் ஓங்கி அடிக்கிறார். அஜய்யும் கோபப்பட்டு தனுஷாவை கண்ணத்தில் அடிக்கிறார். இவர்களது காதல் பிரேக் அப் ஆகிறது.

இந்த சம்பவத்தை அப்பகுதியினர் வீடியோ எடுத்து சமூக வலைத்தளத்தில் வெளியிட, ஒரே பரபரப்பாகிறது. இருவருமே வெளியில் தலைகாட்ட முடியாத அளவுக்கு அந்த வீடியோ பேசு பொருளாக மாறுகிறது. பின்னர் இருவரும் மனவேதனை அடைந்த நிலையில், மன நிம்மதியைத் தேடி அலைகின்றனர்.

இவர்களது காதல் என்னானது ? இவர்கள் இருவரும் இணைந்தார்களா ? இருவரும் வேறு வாழ்க்கையை அமைத்துக் கொண்டார்களா ? இல்லையா என்பது மீதிக்கதை…

இன்றைய காலகட்டத்தில், நம் கண் முன்னே நடைபெறும் சமூக சீரழிவுகளையும், கலாச்சார சீர்கேட்டையும் எதார்த்தமாக, களகளப்பாக திரைக்கதையை அமைத்து காட்சிப்படுத்திய இயக்குநருக்கு பாராட்டுக்கள். அதே சமயத்தில் சாமியார்கள் ஆசிரமம் நடத்துவது, சுயநலத்திற்காக மட்டுமே என்பது வெகுஜன மக்களின் எதிர்ப்புகளையும் சமாளிக்க வேண்டும்.

இன்றைய சூழலில் ஆண், பெண் இருவரும் சம்பாதிப்பதால் பிள்ளைகளின் காதலுக்கு பெரும்பாலான பெற்றோர்கள் எதிர்ப்பு தெரிவிப்பதில்லை. ஆனால் அவர்கள் பிரிவுக்கும், சந்தோஷத்திற்கும் அவர்களே காரணமாகிறார்கள் என்பதையும் தெளிவாக காட்சிப்படுத்தியிருக்கிறார் இயக்குநர்.

நாயகன் அஜய், நாயகி தனுஷா இருவரும் முழுமையான அர்ப்பணிப்புடன் தங்களது திறமையை வெளிப்படுத்தியிருக்கிறார்கள்.

இசைதான் படத்தின் முதல் நாயகன் என்றே சொல்லலாம் அந்த அளவுக்கு பின்னனி இசை அபாரம்.

பாடல்கள் நிச்சயமாக  ஆறு மாதத்திற்கு  இளைஞர்களின் மனசில் இடம் பிடிக்கும்.

படத்தின் அப்பா சென்டிமென்ட் காட்சிகள் படத்திற்கு மிகப்பெரிய பக்கபலம் என்று சொல்லலாம்.அந்த அளவுக்கு திரையில் காணும் போது அந்த காட்சிகள் மெய் சிலிர்க்க வைக்கின்றது.

அனைத்து குடும்ப தரப்பினரையும் கவரும் விதமாக படுத்திய இயக்கி இருக்கிறார் கணேஷ் சந்திரா.

அவருக்கு ஒரு வாழ்த்துக்கள்.

இந்த காதலர் தினத்தில் இந்த பூக்கி’ எதிராக வந்த அனைத்து படங்களையும் “தூக்கி” எறிந்து விடும்.

ரேட்டிங் – 3.5 / 5