ஹிப்ஹாப் தமிழாவின் ‘மீசாயா முருக்கு 2’ டிரெய்லருக்கு ரசிகர்கள் மத்தியில் அமோக வரவேற்பு – யூடியூபில் 5 மில்லியன் பார்வைகளை கடந்தது!
80கள் முதல் Gen Z தலைமுறை வரை ரசிகர்களை கவரும் வகையில் இசை, காதல், நகைச்சுவை, ஆக்ஷன் மற்றும் குடும்ப உணர்வுகளின் கலவையாக உருவாகியுள்ள இப்படம் சமூக வலைதளங்களில் தொடர்ந்து டிரெண்டிங்கில் உள்ளது.
ஹிப்ஹாப் தமிழா நடிப்பில் பெரும் எதிர்பார்ப்பை ஏற்படுத்தியுள்ள ‘மீசாயா முருக்கு 2’ திரைப்படத்தின் டிரெய்லர் ரசிகர்கள் மற்றும் திரையுலகினர் மத்தியில் அமோக வரவேற்பைப் பெற்று வருகிறது. வெளியான குறுகிய காலத்திலேயே யூடியூபில் 5 மில்லியன் பார்வைகளை கடந்து, சமூக வலைதளங்களிலும் தொடர்ந்து டிரெண்டிங்கில் இடம்பெற்று வருகிறது.
இப்படத்தின் மீதான எதிர்பார்ப்பை மேலும் அதிகரிக்கும் வகையில், சமீபத்தில் வெளியான ஆல்பத்தின் ஐந்தாவது பாடலான ‘கலைவாணியே’ பாடலுக்கும் இசை ரசிகர்கள் மத்தியில் அமோக வரவேற்பு கிடைத்துள்ளது. ஏற்கனவே வெளியான ‘ஆரா 10/10’, ‘பப்பாளி பழமே, ‘கோயிந்தம்மா’ மற்றும் ‘அடி போடி’ ஆகிய பாடல்கள் இசை ரசிகர்களின் வரவேற்பைப் பெற்று, சார்ட் பஸ்டர் பாடல்களாக உருவெடுத்து, இசை தளங்கள் மற்றும் சமூக வலைதளங்களில் தொடர்ந்து கவனம் ஈர்த்து வருகின்றன.
ஒவ்வொரு பாடலும் தனக்கென தனித்துவமான இசை மற்றும் உணர்வை கொண்டுள்ள நிலையில், ‘மீசாயா முருக்கு 2’ இளமைத் துடிப்பு, காதல், நகைச்சுவை, நட்பு மற்றும் குடும்ப உணர்வுகளை இசையுடன் இணைக்கும் வண்ணமயமான இசை கொண்டாட்டமாக உருவாகி வருகிறது.
இப்படத்தில் ஹிப்ஹாப் தமிழா, சைத்ரா ஜே. ஆச்சார், கேதிகா சர்மா, ரம்யா ரங்கநாதன் ஆகியோர் முக்கிய கதாபாத்திரங்களில் நடித்துள்ளனர். இவர்களுடன் ஹர்ஷத் கான், கருணாஸ், நாசர், ஆடுகளம் நரேன் மற்றும் ஷா ரா உள்ளிட்ட பலர் முக்கிய வேடங்களில் நடித்துள்ளனர்.
டிரெய்லருக்கு கிடைத்துள்ள அமோக வரவேற்பும், சார்ட் பஸ்டர் பாடல்களும் ஏற்படுத்தியுள்ள பெரும் எதிர்பார்ப்புக்கு மத்தியில், ‘மீசாயா முருக்கு 2’ திரைப்படம் செப்டம்பர் 25, 2026 அன்று உலகம் முழுவதும் திரையரங்குகளில் வெளியாகிறது.
இசை, காதல், உணர்வுகள், நகைச்சுவை மற்றும் கொண்டாட்டம் என அனைத்தையும் ஒருங்கிணைத்து உருவாகியுள்ள ‘மீசாயா முருக்கு 2’, வழக்கமான திரையரங்க அனுபவத்தைத் தாண்டி, திரையரங்குகளையே ஒரு இசைக் கச்சேரியாக மாற்றும் வண்ணமயமான கொண்டாட்டமாக அமையவுள்ளது.
• கருணாகரன்
