“சதுரங்க வேட்டை” பட புகழ் திரு நட்ராஜ் அவர்கள் கதாநாயகனாக நடித்த *”சண்டிமுனி”* திரைப்படத்தின் இயக்குனர் திரு. *மில்கா.S. செல்வக்குமார்* “பியார்” என்னும் குறும்படத்தை இயக்கியுள்ளார். இதில் *நடிகர்கள் விஜய் கௌரிஷ்* மற்றும் *திரு.ஷபி பாபு* நடித்துள்ளனர். இக்குறும்படம் தமிழ் திரை உலகில் முக்கிய பிரபலங்களால் பாராட்டப் பட்டுள்ளது. இக்குறும்படம் *தமிழ் ஷார்ட் கட்ஸ் யூடியூப் சேனலில்* ஆயுத பூஜை அன்று வெளியிடப்பட்டுள்ளது. இக்குறும்படம் மக்களின் வரவேற்ப்பை பெற்றுள்ளது. 8 தோட்டாக்கள் ,ஜீவி பட கதாநாயகன் திரு.வெற்றி நடித்த *”ஜோதி”* என்னும் திரைப்படத்தில், முக்கிய கதாபாத்திரத்தில் வில்லனாக அறிமுகமாக உள்ளார் நடிகர் விஜய் கௌரிஷ். “ஜோதி” திரைப்படம் தனக்கு நல்ல பெயரை பெற்றுத்தரும் என்று நம்பிக்கை தெரிவித்ததுடன் , மக்களை மகிழ்விக்க நாயகன், வில்லன் என்றில்லாமல் அனைத்து விதமான முக்கிய கதாபாத்திரங்களிலும் நடிப்பதே தன் விருப்பம் என்று தெரிவித்துள்ளார் விஜய் கௌரிஷ்.
*”பியார்”* குறும்படத்தை இயக்கிய திரு.மில்கா.S. செல்வகுமார் , “சண்டிமுனி” திரைப்படத்தை தொடர்ந்து நடிகர் யோகிபாபு அவர்கள் நடிக்கும் *”கங்காதேவி”* என்னும் திரைப்படத்தை இயக்க உள்ளார்.
