“மாமன்னன் சமத்துவத்தை வலியுறுத்தும் மாரி செல்வராஜின் ஒரு அருமையான படைப்பு – சூப்பர்ஸ்டார் ரஜினிகாந்த்

ரெட் ஜெயின்ட் மூவிஸ் தயாரிப்பில் உதயநிதி, வடிவேலு, பகத் பாசில் கீர்த்தி சுரேஷ் நடிப்பில் ஜூன் 29 அன்று வெளியான மாமன்னன் திரைப்படம் உலகெங்கும் வசூலில் வெற்றி நடை போட்டுக் கொண்டிருக்கிறது.
இந்தப் படம் பல்வேறு அரசியல் தலைவர்களையும முன்னணி நடிகர்களையும் கவர்ந்து இப்படத்தைப் பற்றி பலரும் பலவிதமாக பாராட்டி வந்து கொண்டிருக்கும் சூழ்நிலையில் நேற்று மாமன்னன் திரைப்படத்தை பார்த்த சூப்பர்ஸ்டார் ரஜினிகாந்த் அவர்கள் மாமன்னன் படத்தின் இயக்குனர் மாரி செல்வராஜ் அவர்களை நேரில் அழைத்து வெகுவாக பாராட்டினார்.

“மாமன்னன் சமத்துவத்தை வலியுறுத்தும் மாரி செல்வராஜின் ஒரு அருமையான படைப்பு. அவருக்கு எனது மனமார்ந்த பாராட்டுகள். மிகச் சிறப்பாக நடித்திருக்கும் வடிவேலு, உதயநிதி ஸ்டாலின், பகத் பாசில் ஆகியோருக்கு என் வாழ்த்துக்கள்” என தனது டிவிட்டர் பக்கத்தில் தெரிவித்துள்ளார்.