ட்ரோன்ஸ் – விமர்சனம்
ராகவ் மிர்தாத் இயக்கத்தில் டிராவிட், சித்தி இத்னானி, அஞ்சலி நாயர் நடிப்பில் வெளியான படம்.
அந்த வகையில் சூனியக்காரி, தேவதை, மர்மக் கொலைகள், அறிவியல் ஆய்வுக்கூடம் என முற்றிலும் மாறுபட்ட அம்சங்களை ஒன்றிணைத்து குடும்பத்துடன் பார்கிற மாறி உருவாகியிருக்கிறது ‘ட்ரோன்ஸ்’. பரிதாபங்கள் புகழ் டிராவிட் செல்வம் கதாநாயகனாக அறிமுகமாகியுள்ள இப்படத்தை இயக்குநர் ஆர். ராகவ் மிர்தாத் இயக்கியுள்ளார்.
கல்லூரியில் ஏற்பட்ட பிரச்சினையால் சஸ்பெண்ட் செய்யப்படும் நாயகன் கிஷோர் (டிராவிட் செல்வம்), நாயகி கருப்பட்டி (அஞ்சலி நாயர்), தஷ் (தீபக்) ஆகிய மூன்று நண்பர்களும் பிளாக் ஹோல் என்ற வித்தியாசமான அறிவியல் ஆய்வுக்கூடத்தில் தங்க வேண்டிய சூழ்நிலைக்குத் தள்ளப்படுகின்றனர். அங்கிருந்து வெளியேற முடியாததால் ட்ரோன் உதவியுடன் வெளி உலகத்தை வேடிக்கை பார்க்கின்றனர். அப்போது கிஷோரின் கண்களில் படுகிறார் ஏஞ்சல் பக்ருதி (சித்தி இத்னானி). பார்த்தவுடனேயே அவர் மீது காதலில் விழுகிறார் கிஷோர்.
மந்திரக் கோட்டையில் சிக்கிய நண்பர்கள் எப்படி தப்பிக்கிறார்கள்? கிஷோரின் காதல் கைகூடியதா? மர்மக் கொலைகளின் பின்னணி என்ன? இந்த வெவ்வேறு சம்பவங்கள் இறுதியில் எப்படி ஒன்றிணைகின்றன என்பதைக் காமெடியும் மாயாஜாலமும் கலந்து சொல்கிறது மீதிக்கதை.
சிறுவயதில் தேவதைகள், பறக்கும் தட்டுகள், சூனியக்காரிகள் எனப் பல கற்பனைக் கதைகளைக் கேட்டிருப்போம். அந்தக் கதைகள் திரையில் உயிர்பெற்றால் எப்படி இருக்கும் என்ற எண்ணத்தை மையமாகக் கொண்டு இப்படத்தின் கதை அமைக்கப்பட்டுள்ளது. குழந்தைகளைக் கவரும் மாயாஜால அம்சங்களுடன், பெரியவர்களும் ரசிக்கும் வகையில் நகைச்சுவை மற்றும் மர்மத்தை இணைக்க முயற்சித்திருக்கிறார் இயக்குநர். குறிப்பாக, கற்பனை உலகத்தையும் நிஜ வாழ்க்கையில் நடைபெறும் மர்மச் சம்பவங்களையும் ஒரே கதைக்குள் கொண்டு வந்திருப்பது படத்தின் முக்கிய அம்சமாக இருக்கிறது.
படத்தின் முதல் பாதியில் கதாபாத்திரங்களை அறிமுகப்படுத்துவதற்கும், கதையின் பின்னணியை விளக்குவதற்கும் அதிக நேரம் செலவிடப்படுகிறது. இதனால் தொடக்கப் பகுதிகள் சற்றே மெதுவாக நகர்கின்றன. ஆனால் இடைவேளைக்குப் பிறகு கதை வேகமெடுக்கிறது. மாயாஜாலக் காட்சிகள், நகைச்சுவைச் சம்பவங்கள், மர்மமான நிகழ்வுகள் என அடுத்தடுத்து வரும் காட்சிகள் படத்தை விறுவிறுப்பாக நகர்த்துகின்றன. குறிப்பாக, இறுதிப் பகுதியில் இடம்பெறும் சம்பவங்கள் ரசிகர்களுக்கு சிரிப்பையும் ஆச்சரியத்தையும் அளிக்கும் வகையில் அமைந்துள்ளன.
படத்தில் பிளாக் ஹோல் என்ற அறிவியல் ஆய்வுக்கூடமும், சூனியக்காரியின் மாயக் கோட்டையும் முக்கியமான களங்களாக உள்ளன. இந்த இடங்களைச் சுவாரஸ்யமான பொருட்கள், சிறிய அளவிலான அரங்க அமைப்புகள் மற்றும் கற்பனை உலகத்தை நினைவூட்டும் வடிவமைப்புகளுடன் உருவாக்கியிருக்கிறார்கள். கலை இயக்குநரின் பணிகள் பல காட்சிகளுக்கு வலு சேர்க்கின்றன. இயக்குநரும் ஒளிப்பதிவாளரும் இந்த அரங்குகளைச் சிறப்பாகப் பயன்படுத்தியிருப்பதால், படத்தின் ஃபேண்டஸி அம்சங்கள் திரையில் தனித்துவமாகத் தெரிகின்றன.
சுதாகர் கோபியின் பரிதாபங்கள் நிகழ்ச்சிகள் மூலம் கவனம் பெற்ற டிராவிட் செல்வம், இப்படத்தின் மூலம் கதாநாயகனாக அறிமுகமாகியிருக்கிறார். கிடைத்த வாய்ப்பைப் பயன்படுத்தி நடிப்பு, நடனம், நகைச்சுவை எனப் பல பகுதிகளில் தனது பங்களிப்பை வழங்கியிருக்கிறார். கதாநாயகனாகத் தன்னை நிலைநிறுத்திக் கொள்ளும் முயற்சியில் அவர் கவனம் ஈர்க்கிறார்.
பக்ருதி என்ற தேவதை கதாபாத்திரத்தில் நடித்துள்ள சித்தி இத்னானி, தனது தோற்றத்தாலும் நடிப்பாலும் கவனம் ஈர்க்கிறார். சில காட்சிகளில் வெவ்வேறு உணர்வுகளை வெளிப்படுத்தும் வகையில் நடிப்பில் மாற்றங்களைக் காட்டியிருப்பது குறிப்பிடத்தக்கது. சூனியக்காரக் கிழவியாக நடித்துள்ள தேவதர்ஷினி, தனது அனுபவம் வாய்ந்த நடிப்பால் கதாபாத்திரத்துக்கு வலு சேர்த்திருக்கிறார். குறிப்பாக, இறுதிப் பகுதியில் தனது வாழ்க்கையில் அன்பு கிடைக்கவில்லை என்ற வேதனையை வெளிப்படுத்தும் காட்சிகள் உணர்வுபூர்வமாக அமைந்துள்ளன.
சைக்கோ கொலையாளியைக் கண்டுபிடிக்க முயலும் காவல் ஆய்வாளராக சதீஷ் நடித்திருக்கிறார். தனது வாழ்க்கையில் காதலி இல்லாததை நினைத்துப் புலம்புவது, விசாரணைக்கு நடுவே நகைச்சுவையை ஏற்படுத்துவது என அவரது கதாபாத்திரம் கலகலப்பை உருவாக்குகிறது. கிளைமாக்ஸில் அவர் எடுக்கும் முடிவு எதிர்பாராத திருப்பமாக அமைவதுடன் சிரிப்பையும் வரவழைக்கிறது. அஞ்சலி நாயர், ஆர்.ஜே. தீபக், குரோஷி உள்ளிட்ட மற்ற நடிகர்களும் தங்களுக்குக் கொடுக்கப்பட்ட கதாபாத்திரங்களுக்கு ஏற்ற பங்களிப்பை வழங்கியுள்ளனர்.
பக்ருதி என்ற தேவதை கதாபாத்திரத்தில் நடித்துள்ள சித்தி இத்னானி, தனது தோற்றத்தாலும் நடிப்பாலும் கவனம் ஈர்க்கிறார். சில காட்சிகளில் வெவ்வேறு உணர்வுகளை வெளிப்படுத்தும் வகையில் நடிப்பில் மாற்றங்களைக் காட்டியிருப்பது குறிப்பிடத்தக்கது. சூனியக்காரக் கிழவியாக நடித்துள்ள தேவதர்ஷினி, தனது அனுபவம் வாய்ந்த நடிப்பால் கதாபாத்திரத்துக்கு வலு சேர்த்திருக்கிறார். குறிப்பாக, இறுதிப் பகுதியில் தனது வாழ்க்கையில் அன்பு கிடைக்கவில்லை என்ற வேதனையை வெளிப்படுத்தும் காட்சிகள் உணர்வுபூர்வமாக அமைந்துள்ளன.
சைக்கோ கொலையாளியைக் கண்டுபிடிக்க முயலும் காவல் ஆய்வாளராக சதீஷ் நடித்திருக்கிறார். தனது வாழ்க்கையில் காதலி இல்லாததை நினைத்துப் புலம்புவது, விசாரணைக்கு நடுவே நகைச்சுவையை ஏற்படுத்துவது என அவரது கதாபாத்திரம் கலகலப்பை உருவாக்குகிறது. கிளைமாக்ஸில் அவர் எடுக்கும் முடிவு எதிர்பாராத திருப்பமாக அமைவதுடன் சிரிப்பையும் வரவழைக்கிறது. அஞ்சலி நாயர், ஆர்.ஜே. தீபக், குரோஷி உள்ளிட்ட மற்ற நடிகர்களும் தங்களுக்குக் கொடுக்கப்பட்ட கதாபாத்திரங்களுக்கு ஏற்ற பங்களிப்பை வழங்கியுள்ளனர்.
ஜி.எம். மோர்கன் இப்படத்தைத் தயாரித்துள்ளார். ஹரி எஸ்.ஆர். இசையமைத்துள்ள நிலையில், பின்னணி இசை பல காட்சிகளுக்கு ஆதரவாக அமைந்துள்ளது. ஜெயந்த் சேது மாதவனின் ஒளிப்பதிவு காட்சிகளைத் தெளிவாகவும் வண்ணமயமாகவும் பதிவு செய்திருக்கிறது. ‘பன் பட்டர் ஜாம்’ திரைப்படத்தின் மூலம் கவனம் பெற்ற இயக்குநர் ஆர். ராகவ் மிர்தாத், குழந்தைகளையும் பெரியவர்களையும் ஒரே நேரத்தில் கவரும் நோக்கத்துடன் இப்படத்தை உருவாக்கியுள்ளார். காதல், வெளித்தோற்றம் குறித்த பார்வைகள் மற்றும் மனிதர்களின் உணர்வுகள் போன்ற அம்சங்களையும் கதையுடன் இணைக்க முயன்றிருக்கிறார்.
