நல்லபடம் -விமர்சனம்

மதுவுக்கு அடிமையான ஒருவரை மையமாகக் கொண்டு கதை நகர்கிறது. அவரின் தாயார் எப்போதும் அவருக்கு ஆதரவாக இருக்கிறார். ஆனால், அவரது சகோதரி குடிப்பழக்கத்தை கடுமையாக எதிர்க்கிறார். அவரது காதலியும்அந்தப் பழக்கத்திலிருந்து மாற்றுவதற்குத் தொடர்ந்து முயற்சி செய்கிறார். இதற்கிடையே, மதுவை விரும்பும் சிலர் ஒன்றிணைந்து ஓர் அமைப்பை உருவாக்கி, அதன் தலைவராகத் அவரை தேர்வு செய்கின்றனர்.

இந்நிலையில், நாடு முழுவதும் மதுவுக்கு அரசு தடை விதிப்பதாக அறிவிக்கிறது. இதனால், தனது வாழ்க்கையாக இருந்த மதுவின்றி எப்படி வாழ்வது என்ற மிகப்பெரிய சவாலை அவர்கள் எதிர்கொள்ள வேண்டிய சூழல் உருவாகிறது. அதன்பிறகு வாழ்க்கையில் நிகழும் எதிர்பாராத சம்பவங்களும், புதிய சூழலை சமாளிக்க அவர் எதிர்கொள்ளும் நகைச்சுவையான பிரச்சினைகளுமே “நல்லபடம்”.

படத்தில் சொல்ல நினைத்த கருத்துக்களும் குடிப் பிரயர்களுக்கு சற்று மனச்சங்கடமாக இருந்தாலும் பொது மக்களுக்கும் தாய்மார்களுக்கும் நல்ல கருத்தை இப்படத்தின் மூலம் இயக்குனர் தெரிவித்திருக்கிறார்.

ஒரு சில காட்சிகளில் இந்த இயக்குனர் குடிக்க சொல்கிறாரா? குடிக்க வேண்டாம் என்று சொல்கிறார் என்ற குழப்பமும் மனதில் தோன்றுகிறது.

சிறிய முதலீட்டில் நல்ல கதையை அம்சத்துடன் கூடிய இந்த படம் பெரிய முதலீட்டில் பெரிய நடிகர்கள் நடித்திருந்தால் இன்னும் மக்களிடையே வெகுவாக சேர்ந்திருக்கும்.

மதுவால் தனி நபர்கள், குடும்பங்கள் மற்றும் சமூகத்தில் ஏற்படுத்தும் தாக்கங்களையும் இந்த படம் பேசுகிறது. அதேசமயம் நகைச்சுவை, காதல், சென்டிமென்ட், சமூக விழிப்புணர்வு மற்றும் அனைத்து தரப்பு ரசிகர்களையும் கவரும் விஷயங்களும் இருக்கிறது. மொட்டை ராஜேந்திரன், கல்கி ராஜா, ரமா மற்றும் பிரியதர்ஷினி உள்ளிட்டோர் நடித்துள்ளனர்.

படத்தில் நடித்த அனைவருமே தனது பங்களிப்பை மிகச் சரியாக செய்துள்ளார்கள்.

இசையமைப்பாளர் தனக்கு கொடுத்த வேலையை கச்சிதமாக செய்திருக்கிறார்.

மது பிரியர்களுக்கு மட்டுமல்ல மதுவால் பாதிக்கப்பட்ட குடும்பங்களும் பார்க்க வேண்டிய படம்.