‘சில நொடிகளில்’ – விமர்சனம்

கள்ளக்காதல், கிரைம் திரில்லர், மர்டர், போன்ற கலவையாக  வந்திருக்கும் படம் தான் சில நொடிகளில்.

லண்டனில் மனைவியுடன் வசிக்கிற, சொந்தமாக மருத்துவனை வைத்துள்ள, பிளாஸ்டிக் சர்ஜரியில் எக்ஸ்பர்ட்டான அந்த இளைஞன் தன் கள்ளக் காதலியின் திடீர் மரணத்துக்கு காரணமாகிவிடுகிறான். யாருக்கும் தெரியாதபடி அவளது சடலத்தை அப்புறப்படுத்தி விடுகிறான். ஒரு கட்டத்தில் அவன் செய்த அந்த குற்றச் செயலை ஒரு பெண் கண்டுபிடித்து பணம் கேட்டு அவனை மிரட்டுகிறாள். இந்த விவகாரம் அவனுடைய மனைவிக்கும் தெரியவருகிறது.

அவன் கொலையாளி என்ற விவரம் அவனை மிரட்டும் பெண்ணுக்குத் தெரிந்தது எப்படி? கணவன் கொலையாளி என்பது தெரிந்த அவனது மனைவி என்ன செய்தாள்? தன்னைச் சூழ்ந்த சிக்கல்களிலிருந்து அவன் மீண்டு வர முடிந்ததா, இல்லையா? இந்த கேள்விகளுக்கு பதில் தருகிறது படம்.

‘தல’ அஜித்தின் மனைவி ஷாலினியின் தம்பியும் நடிகருமான ரிச்சர்ட் தான் இப்படத்தின் ஹீரோ.படத்தில் பார்ப்பதற்கு முன்பை விட சற்று குண்டாகவே தெரிகிறார் ரிச்சர்ட்.படத்தில் யாஷிகாவோடு  ரொமான் செய்வதை விட மனதில் ஒரு படபடப்பும் பதட்டமும்  முகத்தில் வேறு ஒரு ரியாக்சன் வைத்துக்கொண்டு வேறு ஒரு முகபாவனையில் நடிப்பது சற்றே ஒட்டவில்லை.இது இவருக்கு மட்டுமல்ல சினிமா குடும்பத்திலிருந்து வந்த எல்லா நடிகர்களுக்குமே பொருந்தும்.

படத்தில் நல்லா நடிக்கிறாரோ இல்லையோ யாஷிகா உடன்  ரொமான்ஸ் சீனில் புகுந்து விளையாடுகிறார் ரிச்சர்ட்.அதிலும் அந்த பெட்ரூம் காட்சி ரொம்ப ஓவர்.

படம் பார்க்கும் ரசிகர்களுக்கு ஒரே ஆறுதல் யாஷிகா ஆனந்த் மட்டுமே.தன் பங்குக்கு உடல் அசைவுகளை ஆங்காங்கே காட்டிவிட்டு தன் உடல் பாகங்களை மெல்ல மெல்ல காண்பித்து படம் பார்க்கும் அனைவரையும் சூடு ஏற்றுகிறார் யாஷிகா.

படத்தில் சொல்லக்கூடிய முக்கிய கதாபாத்திரம் புன்னகை பூ கீதா.இவர் தான் படத்தின் தயாரிப்பாளர்.ரிச்சர்டின் மனைவியாக வரும் இவர் கணவர் மூலமாக குழந்தை பெற்றுக் கொண்டு தனக்கென ஒரு குடும்பம் வேண்டும் என்று ஆசைப்பட இவரது நடிப்பு பலே சொல்ல வைக்கின்றது.அதிலும் படத்தின் இறுதிக் காட்சியில் இவரது இன்னொரு முகம் வெளிப்பட அடடா இவரா இப்படி என்று நம்மை அதிர்ச்சியடைய  செய்கிறது.

ஹீரோவிடம் பணம் கேட்டு மிரட்டும் யாஷிகாவின் உறவு பெண்ணாக நடித்திருப்பவர் மிக அற்புதமாக நடித்திருக்கிறார் முதல் படத்திலேயே யார் என கேட்க வைக்கிறார்.

படத்தில் நம்பர் ஒன் என்று சொல்லக்கூடியவர் கேமராமேன் அபிமன்யு சதானந்தன்.லண்டனின் அழகை நம் கண்களுக்குள் கொண்டு வந்து நமது கண்களை  கொள்ளையடிக்கிறார் இந்த கேமராமேன்.இவருக்கு மிகப்பெரிய எதிர்காலம் உண்டு.

பாலிவுட் இசையமைப்பாளர் இசையமைத்திருக்கிறார் ஆனால் இசை பெரிதாக ஒட்டவில்லை.

கள்ளக்காதல், கணவன் மனைவிக்கு செய்யும், துரோகம்,கணவனுக்கு தெரியாமல் மனைவி செய்யும் துரோகம் என பார்த்து சலித்து போன கதைதான் போல என் நாம் நினைத்துக் கொண்டிருக்கையில் படத்தின் இறுதிக் காட்சியில் அவிழும் மர்மங்கள் நம்மை சீட்டின் நுணுக்கே கொண்டு செல்கிறது .இயக்குனர் வினை பரத்வாஜின் திரைக்கதை அபாரம்.

இப்படத்தின் பக்க பலமே படத்தின் நீளம் 93 நிமிடங்கள் என்பதுதான்.

மொத்தத்தில் இந்த ‘சில நொடிகள்’ படக்குழு  வெற்றிக்காக இன்னும் கதையில்  பல மணி நேரம் செலவிட்டிருக்கலாம்.