சிவராஜ் குமாரின் கோஸ்ட் பட டிரைலரை வெளியிட்ட தனுஷ்
கர்நாடக சக்கரவர்த்தி சிவராஜ்குமாரின் பான் இந்தியா அளவில் பிரம்மாண்ட திரைப்படம் “கோஸ்ட்” அதிரடி சண்டை காட்சிகள் நிறைந்த ஆக்ஷன் திரில்லர் ஜானரில் உருவாகி இருக்கிறது. இயக்குனர் ஸ்ரீனி இந்த படத்தை தலைசிறந்த சண்டை காட்சிகள் நிறைந்த ஆக்ஷன் படமாக இருக்க வேண்டும் என்பதில் அதிக கவனமுடன் செயல்பட்டு வருகிறார்.
முன்னணி அரசியல் தலைவரும், தயாரிப்பாளருமான சந்தேஷ் நாகராஜ் இப்படத்தை சந்தோஷ் புரோடக்ஷன்ஸ் சார்பில் தயாரிக்கிறார். தசரா பண்டிகையை ஒட்டி அக்டோபர் 19 ஆம் தேதி “கோஸ்ட்” திரைப்படம் கன்னடா, தெலுங்கு, இந்தி, தமிழ் மற்றும் மலையாளம் உள்ளிட்ட மொழிகளில் வெளியாக இருக்கிறது. இதில் சிறப்பு அம்சம் என்னவென்றால் தமிழ் மொழிக்கு சிவராஜ் குமார் நேரடியாக டப்பிங் பேசி இருக்கிறார்.
இந்த டிரைலர் “கோஸ்ட்” பட உலகிற்கு நம்மை அழைத்து செல்கிறது. சிவராஜ்குமாரின் வேற லெவல் திரை ஆளுமை மற்றும் இயக்குனர் ஸ்ரீனியின் படைப்பு, கண்களுக்கு விருந்தளிக்கும் வகையில் அமைந்து இருக்கிறது. இத்துடன் அனல் பறக்கும் வசனங்கள் சிவராஜ்குமாரின் மாஸ் அம்சத்தை திரையில் பிரதிபலிக்க செய்துள்ளது. இசையமைப்பாளர் அர்ஜூன் ஜான்யா டிரைலருக்கு ஏற்ற வகையில், சிறப்பான பின்னணி இசையை கொடுத்திருக்கிறார். சிவன்னாவின் இளமை மிக்க தோற்றம் ரசிகர்களுக்கு விருந்தாக இருக்கிறது. ஏற்கனவே இந்த படத்திற்கான எதிர்பார்ப்பு அதிகரித்துள்ள நிலையில், இதன் டிரைலர் படத்தின் மீதான எதிர்பார்ப்பை மேலும் பலமடங்கு அதிகரித்து இருக்கிறது.
முன்னணி பாலிவுட் வினியோகஸ்தர் ஜெயந்திலால் கடா பென் மூவிஸ் சார்பில் இந்த படத்தை திரையரங்குகளில் வெளியிடும் உரிமத்தை பெற்று இருக்கிறார். “கோஸ்ட்” திரைப்படத்தில் முன்னணி தொழில்நுட்ப கலைஞர்கள் பணியாற்றி உள்ளனர்.
அதன்படி வசனம் மஸ்தி மற்றும் பிரசன்னா வி.எம்., இசை அர்ஜூன் ஜான்யா, ஒளிப்பதிவு மகேந்திர சிம்ஹா மேற்கொண்டுள்ளனர். புரோடக்ஷன் டிசைன் பணிகளை பி.ஆர்.ஒ. மோகன் பி கெரெ மேற்கொண்டுள்ளார். இந்த படத்தின் தெலுங்கு பதிப்புற்கு பி.ஏ. ராஜுவின் குழுவினர் விளம்பர பணிகளை மேற்கொள்கிறது. சந்தோஷ் புரோடக்ஷன்ஸ் தயாரித்து இருக்கும் “கோஸ்ட்” படம் கன்னடா, தெலுங்கு, தமிழ், இந்தி மற்றும் மலையாளம் உள்ளிட்ட மொழிகளில் ரிலீசாக இருக்கிறது.
சிவராஜ்குமார், அனுபம் கெர், ஜெயராம், பிரசாந்த் நாராயணன், அர்சனா ஜொயிஸ், சத்யபிரகாஷ், தட்டன்னா மற்றும் பலர் நடித்துள்ளனர்.
