‘கோழிப்பண்ணை செல்லத்துரை விமர்சனம்

தேனியை சேர்ந்தவர் செல்லதுரை(ஏகன்). தன் பெரியப்பா பெரியசாமியின்(யோகி பாபு) கறிக்கடையில் வேலை செய்கிறார். கடந்த காலத்தில் நடந்த சம்பவங்களால் தங்கை சுதாவை(சத்யா) பொத்தி பொத்தி வளர்க்கிறார் செல்லதுரை. கல்லூரி மாணவியான சுதாவுக்கு தன்னுடன் படிக்கும் மாணவர் மீது காதல் ஏற்படுகிறது.

சுதாவின் காதல் குறித்து செல்லதுரைக்கு தெரிய வருகிறது. அந்த பையனின் பின்னணியை தெரிந்து கொண்டதும் செல்லதுரைக்கு இருக்கும் பயம் அதிகமாகிறது. தங்களிடம் இருந்து பிரிந்து இருக்கும் பெற்றோரை எதிர்பாராவிதமாக சந்திக்கிறார் செல்லதுரை. அதன் பிறகு அவருக்குள் மாற்றம் ஏற்படுகிறது.

பெற்றோர் தங்கள் பிள்ளைகளை பிரிந்தற்கு காரணமாக காட்சி கதைக்காக உருவாக்கப்பட்டது போன்று இருக்கிறதே தவிர நம்பும்படியாக இல்லை.

செல்லத்துரை கதாபாத்திரத்தில் கச்சிதமாக பொருந்தியிருக்கிறார் ஏகன். செல்லத்துரையின் தங்கையாக சிறப்பாக நடித்திருக்கிறார் சத்யா தேவி. யோகி பாபுவின் நடிப்பை பற்றி சொல்லவே வேண்டாம். பெரியசாமியாகவே மாறிவிட்டார். ஆனால் அவரின் காமெடி அனைத்து இடங்களிலும் கை கொடுக்கவில்லை.

செல்லுத்துரையின் காதலி தாமரைச்செல்வியாக வந்து போயிருக்கிறார் பிரிகிடா சாகா. ரகுநந்தனின் இசை படத்திற்கு பக்கபலம்.

படத்தில் ஒளப்பதிவு அபாரம் தேனி ஆண்டிபட்டி அழகை அள்ளிக் கொள்கிறார் ஏ ஆர் அசோக்குமார்.படத்தில் எமோஷன், காமெடி என அனைத்தும் இருந்தும் அதன் தாக்கம் பெரிதாக இல்லை. தயாரிப்பாளரின் மகன்   ஏகன் இன்னும் சற்று நடிப்பில் கவனம் தேவை.நிச்சயமாக நீங்கள் கூத்துப்பட்டறை செல்ல வேண்டும்.

திரைக்கதையில் கூடுதல் கவனம் செலுத்தியிருக்கலாம்.மொத்தத்தில் சீனு ராமசாமி இயக்கிய கோழி பண்ணை செல்லதுரை அவர் முந்தைய படமான தர்மதுரை யின்  10 சதவீதம் கூட இல்லை என்பது உண்மை.