PLAYSMITH STUDIOS நிறுவனம் சார்பில் S.விஜய பிரகாஷ் தயாரிப்பில், இயக்குநர் T. ராஜவேல் இயக்கத்தில், தர்ஷன் , காளி வெங்கட் , அர்ஷா சாந்தினி பைஜூ , வினோதினி , தீனா , அப்துல் லீ , மாஸ்டர் ஹென்ரிக் ஆகியோர் நடிக்க, ஃபேண்டஸி ஹாரர் காமெடி ஜானரில் அசத்தலான எண்டர்டெயினராக உருவாகியுள்ள படம் ஹவுஸ் மேட்ஸ்.
படத்தின் கதையை எளிதில் யூகித்துவிடும்படி டிரைலரை வெளியிட்ட இயக்குநர் டி.ராஜவேல், படத்திற்குள் மிகப்பெரிய அறிவியல் ஆச்சரியத்தை வைத்திருப்பதோடு, அதை சுற்றி நடக்கும் அதிர்ச்சிகரமான சம்பவங்களை சுவாரஸ்யமாக சொல்லி பார்வையாளர்களுக்கு புரியவும் வைத்திருக்கிறார். ஆனால், அவர் சொன்ன விளக்கம் புரிந்தாலும், ஏற்றுக்கொள்வதற்கான சரியான தீர்வை சொல்லவில்லை என்பது படத்திற்கு சற்று பலவீனமே.
தீனா, அப்துல் லீ, மாஸ்டர் ஹென்ரிக் என மற்ற வேடங்களில் நடித்திருப்பவர்கள் திரைக்கதை ஓட்டத்திற்கு பலம் சேர்க்கும் வகையில் பயணித்திருக்கிறார்கள்.
இசையமைப்பாளர் ராஜேஷ் முருகேசனின் இசையில் பாடல்களும், பின்னணி இசையும் கதைக்கு ஏற்ப பயணித்திருக்கிறது. நம்ப முடியாத விஷயங்களையும், அதனுடன் பயணிக்கும் கதையின் மாந்தர்களின் உணர்வுகளையும் தனது பின்னணி இசை மூலம் பார்வையாளர்கள் மனதில் கடத்தி அவர்களையும் அந்த வீட்டினுள் பயணிக்க வைத்திருக்கிறார்.
மிகவும் சவால் நிறைந்த பணியை படத்தொகுப்பாளர் ஏ.நிஷார் ஷரேஃப் மிக சிறப்பாக கையாண்டிருக்கிறார். கலை இயக்குநர் என்.கே.ராகுலின் பணியும் படத்திற்கு பலம் சேர்த்திருக்கிறது.
எழுதி இயக்கியிருக்கும் டி.ராஜவேல், நம்ப முடியாத விசயத்தை கதைக்கருவாக எடுத்துக் கொண்டாலும், அதற்கான திரைக்கதை மற்றும் காட்சிகளை அறிவியல் அடிப்படையில் அமைத்து பார்வையாளர்களை படத்துடன் ஒன்றிவிட செய்து விடுகிறார்.
கிளைமாக்ஸில் சொல்லப்படும் விசயங்களும், அதற்கான தீர்வும் சிலருக்கு குழப்பத்தை ஏற்படுத்தினாலும், வசனங்கள் மூலம் அவற்றுக்கும் தீர்வு கொடுத்திருக்கும் இயக்குநர் ராஜவேல், அதை காட்சிகள் மூலம் விவரித்திருந்தால், பார்வையாளர்கள் முழுமையாக திருப்தியடைந்திருப்பார்கள்.
