நினைத்துப் பார்க்க முடியாத ஒரு காம்போ சசிகுமார் சிம்ரன் நடிப்பில் பீல் குட் மூவியாக வந்திருக்கும் படம் டூரிஸ்ட் ஃபேமிலி.
இலங்கையை சேர்ந்த தாஸ்(சசிகுமார்) ,தன் மனைவி வசந்தி (சிம்ரன்) மற்றும் இரண்டு மகன்களுடன் நாட்டை விட்டு வெளியேறி தமிழ்நாட்டிற்கு வருகிறார். அந்த குடும்பத்திற்கு உதவி செய்கிறார் பிரகாஷ்(யோகி பாபு). சென்னையில் அவர்கள் வாடகைக்கு வீடு எடுக்கிறார்கள். அந்த வீட்டின் உரிமையாளர் ஒரு போலீஸ் இன்ஸ்பெக்டர் (பக்ஸ்) என தெரியாமல் வாடகைக்கு எடுக்கிறார்கள். டிரைவராக வேலை பார்க்கிறார் தாஸ். அக்கம்பக்கத்தினருக்கு அந்த குடும்பத்தை பிடித்துவிடுகிறது.
புதுமுக இயக்குர் அபிஷன் ஜீவிந்த் ரொம்ப சின்சியராக ஒரு கதையை சொல்லியிருக்கிறார். ஆனால் அதன் தாக்கம் எதிர்பார்த்த அளவுக்கு இல்லாமல் போய்விட்டது. சிம்பதி உருவாக்க வேண்டும் என்பதற்காகவே சில காட்சிகளை வைத்தது போன்று இருக்கிறது. இலங்கை குடும்பம் அக்கம் பக்கத்தினருடன் பழகும் விதம். அநியாயத்துக்கு பொறுமையாக இருக்கும் தாஸ்.இதை எல்லாம் பார்த்தால் இயற்கையாக இல்லை.
எல்லாவற்றையும் விட்டுவிட்டு வேறு நாட்டிற்கு வந்து முதலில் இருந்து வாழ்க்கையை துவங்கும் போது ஏற்படும் சவால்களை அழகாக காட்டியிருக்கிறது டூரிஸ்ட் ஃபேமிலி.
இந்த படத்தின் திருக்கதையை பாராட்டி குடும்பத்துடன் அனைவரும் ரசிக்கும் விதமாக தந்திருக்கிறார் இயக்குனர்.
