‘கோலி சோடா’ வெற்றிப்படத்தின் இயக்குனர் விஜய் மில்டன் அடுத்த பை-லிங்குவல் திரைப்படத்தின் பெயர் அறிவிப்பு;

‘கோலி சோடா’ வெற்றிப்படத்தின் இயக்குனர் விஜய் மில்டன் அடுத்த பை-லிங்குவல் திரைப்படத்தின் பெயர் அறிவிப்பு;

‘கோலி சோடா’ தொடரின் மூலம் தனித்துவமான தடம் பதித்த புகழ்பெற்ற இயக்குனரும், ஒளிப்பதிவாளருமான விஜய் மில்டன் இயக்கத்தில் உருவாகும் தமிழ்-தெலுங்கு இருமொழித் திரைப்படத்திற்கு Rough Note Production நிறுவனம் பெருமையுடன் பெயரை அறிவித்துள்ளது.

இந்த புதிய படத்திற்குப் பெயர் “Gods and Soldiers” என அறிவித்துள்ளனர்.

இன்று சமூக வலைதளங்களில் வெளியிடப்பட்ட தலைப்பு டீசர் ஏற்கனவே பார்வையாளர்களின் கவனத்தை ஈர்த்து, வலுவான காட்சிகள் மற்றும் தாக்கம் கொண்ட காட்சிகளால் எதிர்பார்ப்பை அதிகரித்துள்ளது.

இந்த டீசரை சமூக வலைதளங்களில் வெளியிட்டும், பகிர்ந்தும் ஆதரவு அளித்த சினிமா பிரபலங்களுக்கும், திரையுலக முன்னணி நாயகர்களுக்கும் எங்கள் மனமார்ந்த நன்றியை தெரிவித்துக் கொள்கிறோம். அவர்களின் ஊக்குவிப்பு இந்தப் படத்தின் அடுத்தகட்ட பயணத்திற்கு சிறப்பான தொடக்கமாக அமைந்துள்ளது.
“கோலி சோடா” படங்களின் ஆழமான உண்மைத் தன்மையை இப்படத்திலும் கடத்திச் சொல்லுகிறது படக்குழு. “Gods and Soldiers” படத்தில் ராஜ் தருண், சுனில், வேடன், பரத், ஆரி, அம்மு அபிராமி, கிஷோர், ஜெஃப்ரி, பரத் ஸ்ரீனி, பால் டப்பா, நடிகை விஜேதா உள்ளிட்ட பல முன்னணி மற்றும் திறமையான நட்சத்திரங்கள் நடித்துள்ளனர்.

குறிப்பாக, வேடன் இத்திரைப்படத்தில் நடிப்பதோடு மட்டுமல்லாமல் பாடகராகவும் அறிமுகமாகிறார் என்பது சிறப்பு.

அதேவேளை, பால் டப்பா முதல்முறையாக அறிமுகமாகும் முக்கியமான படமாகவும் “Gods and Soldiers” திகழ்கிறது.

இந்த படத்திற்காக, அதிரடியான இசையமைக்கும் சாம் சி.எஸ். இசையமைக்கிறார். இதன் மூலம் படத்தின் உணர்ச்சி மற்றும் விறுவிறுப்பை அதிகரிக்கும் வகையில் பாடல்களும் பின்னணி இசையும் உருவாகியுள்ளது.
விஜய் மில்டனின் தனித்துவமான கதை சொல்லும் பாணியில், “Gods and Soldiers” மனித வாழ்வின் போராட்டங்கள், உறுதி, மனிதநேய உணர்வு ஆகியவற்றை இயல்பான சித்திரிப்புகளுடன், உணர்ச்சிப் பூர்வமாகவும், வலிமையாகவும் வெளிப்படுத்தும் படமாக உருவாகி வருகிறது.

Rough Note Production நிறுவனம், ஊடகங்கள், நலவிரும்பிகள் மற்றும் திரையுலக நண்பர்களின் தொடர் ஆதரவுக்கு மனமார்ந்த நன்றியை தெரிவித்து, “Gods and Soldiers” படத்தின் அடுத்த கட்ட பயணத்தை வலுவாக முன்னெடுக்கிறது.

இப்படத்தின் கூடுதல் தகவல்கள் வெளியிடப்படும் என்றும் படக்குழு அறிவித்துள்ளது.