இரட்டையர் – விமர்சனம்

இயக்குநர் ஜெகதீஷ் இயக்கத்தில், அபிநயா ஆனந்த் மற்றும் பலரின் நடிப்பில் உருவாகியுள்ள திரைப்படம் “இரட்டையர்” (Irattaiyar). ஒரு கோரமான விபத்திற்குப் பிறகு முகமாற்று அறுவை சிகிச்சை செய்து வீட்டிற்குத் திரும்பும் தாயை, அவரது சொந்தக் குழந்தைகளே சந்தேகப்படும் விசித்திரமான சம்பவங்களை மையமாகக் கொண்ட ஒரு சைக்கலாஜிக்கல் த்ரில்லர் (Psychological Thriller) திரைப்படமாகும்.

வழக்கமான பேய், கொலை படங்களை விட, ஒரு தாய் மற்றும் அவரது இரட்டை பெண் குழந்தைகளுக்கிடையேயான பாசம் மற்றும் சந்தேகத்தை மையமாக வைத்து கதை நகர்கிறது. விபத்திற்குப் பிறகு தாயின் விசித்திரமான நடவடிக்கைகள், குழந்தைகளின் மனதில் “இவர் உண்மையில் அம்மாதானா?” என்ற பெரும் மர்மத்தை உருவாக்குகிறது.

நாடோடிகள்’ புகழ் அபிநயா, சோகம், பயம், நிராகரிப்பு என பல பரிமாணங்களை உணர்வுப்பூர்வமாக வெளிப்படுத்தியுள்ளார். இரட்டைச் சகோதரிகளாக நடித்துள்ள அனுமிதா மற்றும் அனுஷிதா ஆகியோரின் நடிப்பு படத்தின் பெரிய பலமாக அமைந்துள்ளது.

அறிமுக இயக்குநர் ஜெகதீஷ், வெறும் 21 நாட்களில் முழு படப்பிடிப்பையும் முடித்து, பார்வையாளர்களின் எதிர்பார்ப்பை இறுதிவரை தக்கவைத்து, திரில்லர் ரசிகர்களைக் கவரும் வகையில் திரைக்கதையை அமைத்துள்ளார்.

சென்டிமென்ட் மற்றும் மர்மம் கலந்த கதை, சுவாரஸ்யமான ட்விஸ்டுகள் மற்றும் சிறப்பான பின்னணி இசை.

இரண்டாம் பாதியில் சில காட்சிகள் மெதுவாக நகர்வது போன்ற உணர்வு ஏற்படலாம்.

ஒரு த்ரில்லர் படத்திற்குரிய சுவாரஸ்யங்களுடன், குடும்ப சென்டிமென்ட்டையும் அழகாக இணைத்துள்ள ‘இரட்டையர்’ திரைப்படம் திரையரங்கில் ஒருமுறை தாராளமாகப் பார்க்கக்கூடிய சுவாரஸ்யமான படைப்பு.

இந்த இரட்டயர் நிச்சயமாக அரட்டயர் கிடையாது.