சென்னை: நாடாளுமன்ற தேர்தலில் போட்டியிட போவதாக அறிவித்துள்ள நடிகர் பிரகாஷ் ராஜுக்கு குஜராத் சுயேச்சை எம்எல்ஏ ஜிக்னேஷ் மேவானி ஆதரவு தெரிவித்துள்ளார்.
பிரகாஷ்ராஜ் தேர்தலில் நிற்க போவதாக அறிவித்துள்ளார். இதுகுறித்து டிவிட் செய்துள்ளார். அதில், இந்த வருடம் நடக்க உள்ள நாடாளுமன்ற தேர்தலில் போட்டியிட போகிறேன், எங்கு போட்டியிடுவேன் என்பதை பின்பு அறிவிக்கிறேன்.
மக்களின் ஆட்சி இனி அமையும் என்று ”மோடியின் ஆப்கி பார் மோடி சர்க்கார்” வசனத்தை மாற்றி ”ஆப்கி பார் ஜனதா சர்க்கார்” என்று கூறியுள்ளார். நாடாளுமன்றத்தில் கேள்வி கேட்பேன், என்றும் தைரியமாக தெரிவித்துள்ளார்.
இந்த நிலையில் இதுகுறித்து தற்போது குஜராத் சுயேச்சை எம்எல்ஏ கருத்து தெரிவித்து இருக்கிறார். அவர் தனது டிவிட்டில் ”என்னவொரு செய்தி! பிரகாஷ் ராஜுக்கு வாழ்த்துகள். நாம் இதை செய்து காட்டுவோம். நமக்கு இந்தியாவில் தெரிந்தவர்கள்,முக்கியமாக தென்னிந்தியாவில் தெரிந்தவர்கள் எல்லோரும் உங்களுக்காக வருவார்கள்.
நீங்கள் சாதிப்பீர்கள், நான் இருக்கிறேன் உங்களுக்கு. இந்திய நாடாளுமன்றத்திற்கு நீங்கள் தேவை, குரலற்றவர்களின் குரலாக நீங்கள் இருப்பீர்கள்.. என் அன்புகள்” என்று கூறியுள்ளார்.
